ଗୁଣ ଛିଡ଼ିଗଲା

ଗୁଣନିଧି ଆରେ ଧନୁକୁ ଟଙ୍କାରୁ

ଗୁଣ ଛିଡ଼ିଗଲା ହେଳେ

ଚାଲ ଆମେ ଦୁହେଁ ଲୁଚି ପଳେଇବା

କିଏ ଦେଖିଦେବ କାଳେ !

ଶିକାରକୁ ଆସି ଶିକାର ହେଲାନି

ବୀର ନୁହେଁ ହେଲୁ ଛକା

କଥା ସିନା ବଡ଼ କହୁଥିଲୁ ଭାରି

ନିଜେ ବନିଗଲୁ ବୋକା !

ମନ୍ଦିରକୁ ଯାଇ ବାନା ଚଢ଼େଇବୁ

କରିଥିଲୁ କେତେ ଆଶା

ବିପତ୍ତି ପଡ଼ିଛି ଉଦ୍ଧାରି ପାରୁନୁ

ବାହାରୁନି କାଢୁ ଭାଷା !

ଦିନା କେତେ ଚାଲ ପାଟି ବୁଜିକରି

ଗମ୍ଭୀରାରେ ଥିବା ପଡ଼ି

ଆମ ଥାଟ ବାଟ ଧରିବାନି ନାଆଁ

ସବୁଗଲା ଯେତେ ଛଡ଼ି !

କାନ୍ଦ ବାହାରୁଛି ହସ ମରିଗଲା

ଦୁରୁବଳୁ ହେଉ ପେଲି

ପଛ କଥାମାନ ଆଖି ଆଗେ ନାଚେ

କଷ୍ଟ ପାରୁନାହୁଁ ଭୁଲି !

ପାଗ ଭିଡୁ ଭିଡୁ କଚେରୀଟା ଆହା

ହୋଇଗଲା ପରା ଛୁଟି

ଅକାରଣେ ଆମେ ଦୁଷ୍ଟ ବୁଦ୍ଧି କରି

ନିଜ ଭାଗ୍ୟ କଲୁ ମାଟି !