ତାରାପ୍ରସାଦ ଜେନା

Others


3  

ତାରାପ୍ରସାଦ ଜେନା

Others


ଲିଭିଲା ଚୂଲିର ଅଙ୍ଗାରକୁ ଏତେ ଫୁଙ୍କନାହିଁ ଫୁଙ୍କନାହିଁ

ଲିଭିଲା ଚୂଲିର ଅଙ୍ଗାରକୁ ଏତେ ଫୁଙ୍କନାହିଁ ଫୁଙ୍କନାହିଁ

1 min 199 1 min 199


ଲିଭିଲା ଚୂଲିର ଅଙ୍ଗାରକୁ ଏତେ

ଫୁଙ୍କନାହିଁ ଫୁଙ୍କନାହିଁ

ଦାଉ ଦାଉ ହୋଇ ଜଳିଗଲା ଯେଵେ

ପାରିବନି ଧାସେ ରହି 

ଲିଭିଲା ଚୂଲିର ଅଙ୍ଗାରକୁ ଏତେ

                ଫୁଙ୍କନାହିଁ ଫୁଙ୍କନାହିଁ ! ୦ !


ଉଜ୍ଜ୍ୱଳ ମୁହଁକୁ ଧୂଆଁରେ କାଳିଆ

କରିଦେବ ତୁମେ ବେଶି

ଆଖିର କଜ୍ଜଳ ବତୁରି ପଡ଼ିବ

ଆଖି ହୋଇଯିବ ନେସି

ଅଧା କାନ୍ଦ କାନ୍ଦ କାଶଟା ଉଠିବ

ପାରିବନି ଜମା ସହି

ଲିଭିଲା ଚୂଲିର ଅଙ୍ଗାରକୁ ଏତେ

                ଫୁଙ୍କନାହିଁ ଫୁଙ୍କନାହିଁ ! ୧ !


ଆଲୁରି ବାଳଟା ଖେଳେଇ ପଡ଼ିବ

କଳା ଲାଗିଯିବ ହାତେ

ରନ୍ଧା ତୁଣ ପୁଣି ଧୂଆଁ ପଶିଯିବ

ଶୁଣିବାକୁ ଗାଳି କେତେ

ଆଖି ପୋଛୁ ପୋଛୁ ଫୁଙ୍କୁନଳୀଟାକୁ

ବାଡ଼େଇବ ରାଗେ ଭୂଇଁ

ଲିଭିଲା ଚୂଲିର ଅଙ୍ଗାରକୁ ଏତେ

                ଫୁଙ୍କନାହିଁ ଫୁଙ୍କନାହିଁ ! ୨ !


ନିଆଁଲଗା ଏଇ ଜୀବନଟା ସତେ

ଧୂଆଁ ନିଆଁ ବଡ଼ ଖେଳ

ତା ଭିତରେ ପୁଣି ସ୍ନେହ ଶରଧାର

ଘଟିଥାଏ କେଡ଼େ ମେଳ

ବାହାରି ଯିବାକୁ କୁଆଡ଼େ ହେଉନି

ନିଜ ଘର ସୁଖ ଚାହିଁ

ଲିଭିଲା ଚୂଲିର ଅଙ୍ଗାରକୁ ଏତେ

                ଫୁଙ୍କନାହିଁ ଫୁଙ୍କନାହିଁ ! ୩ !



Rate this content
Log in