ତାରାପ୍ରସାଦ ଜେନା

Romance Tragedy Others


3  

ତାରାପ୍ରସାଦ ଜେନା

Romance Tragedy Others


ମୋ ଲୁହ ଆଞ୍ଜୁଳା ତୁମେ ଶ୍ରଦ୍ଧାର ଫୁଲଟେ ଦେବ

ମୋ ଲୁହ ଆଞ୍ଜୁଳା ତୁମେ ଶ୍ରଦ୍ଧାର ଫୁଲଟେ ଦେବ

1 min 206 1 min 206


ମୋ ଲୁହ ଆଞ୍ଜୁଳା ତୁମେ ଶ୍ରଦ୍ଧାର ଫୁଲଟେ ଦେବ

ନିରେଖି ଦେଖିବି ସିନା ରହିଛି କେମିତି ଭାବ

...........ମୋ ଲୁହ ଆଞ୍ଜୁଳା ତୁମେ 

             ଶ୍ରଦ୍ଧାର ଫୁଲଟେ ଦେବ ! ୦ !


ସ୍ମୃତିର ଚିଠିକୁ ପଢ଼ି ଲାଗୁଛି ବହୁତ ଥକା

ତଥାପି ବୁଝୁନି ମନ ସତରେ ମେଣ୍ଟିବ ଦକା

ଜୀବନ୍ତ ମଣିଷ କିବା ପାଲଟି ଗଲାଣି ଶବ

...........ମୋ ଲୁହ ଆଞ୍ଜୁଳା ତୁମେ 

             ଶ୍ରଦ୍ଧାର ଫୁଲଟେ ଦେବ ! ୧ !


ବୟସ ଗଡ଼ିଲା ବେଳେ ନାଟକ ହେଉନି ଶେଷ

ମୁହଁକୁ ଦେଖିଲା ପରେ ଜାଣୁନି ହସ କି ବିଷ

ନିରୀହ ଆଖିରୁ ମୋର ଧୋଉଛି ସପନ ଲୋଭ

...........ମୋ ଲୁହ ଆଞ୍ଜୁଳା ତୁମେ 

             ଶ୍ରଦ୍ଧାର ଫୁଲଟେ ଦେବ ! ୨ !


ମୋହର ଗୀତର ତାଳେ ପଡୁନି ତୁମରି ପାଦ

ସୁଖର ଘରକୁ ସିଧା ଲାଗିଛି ଦୁଃଖର ବାଦ

ନିଜଠୁ ପରଟେ ହୋଇ ଯାହା ମୁଁ କରୁଛି ରାବ

...........ମୋ ଲୁହ ଆଞ୍ଜୁଳା ତୁମେ 

             ଶ୍ରଦ୍ଧାର ଫୁଲଟେ ଦେବ ! ୩ !


Rate this content
Log in

More oriya poem from ତାରାପ୍ରସାଦ ଜେନା

Similar oriya poem from Romance