ମନର ବହିକୁ ଧରି ବାନ୍ଧିଛି ଘର

ମନର ବହିକୁ ଧରି ବାନ୍ଧିଛି ଘର

ଆଦର ଆଖିରେ କାଳେ ହେବିନି ପର 

    .......ମନର ବହିକୁ ଧରି ବାନ୍ଧିଛି ଘର ! ୦ !

ଖୋଲିକି ପଢ଼ିବ କିଏ ସହଜ ପୃଷ୍ଠା

ସେତିକି ସୁଖର ପ୍ରେମ ମିଳୁନି ନିଷ୍ଠା

ଦ୍ବନ୍ଦ୍ବର ନିଃଶ୍ବାସ ମାରେ ମଣିଷ ଛାର

    .......ମନର ବହିକୁ ଧରି ବାନ୍ଧିଛି ଘର ! ୧ !

ବିତୃଷ୍ଣା ପାଠକ ଆଜି ବୁଝୁନି ଗଙ୍ଗା

ଆଶାର ଚାଲିଛି ଖାଲି ନିୟତ ଦଙ୍ଗା

ଭାବର ହସକୁ କାନ୍ଦ ଅବୁଝା ଡର 

   .......ମନର ବହିକୁ ଧରି ବାନ୍ଧିଛି ଘର ! ୨ !

ତଥାପି ଆତ୍ମାର ଡାକେ ରହିଛି ଜୀବ

ଭଲର ଦୁନିଆ ଜଣେ ଭେଟିବା ହେବ

ପାଠକ ସାଙ୍ଗକୁ ଭାଗ୍ୟ ଦେଉନି ଠାର

   .......ମନର ବହିକୁ ଧରି ବାନ୍ଧିଛି ଘର ! ୩ !