ମୁଁ ଲେଖେ
ମୁଁ ଲେଖେ
1 min
198
ମୁଖେ ସିନା ପାରେନାହିଁ କହି
ଲେଖେ କିନ୍ତୁ ଅଗଣିତ କଥା,
ଦେଇଥାଏ ପ୍ରେମର ସନ୍ଦେଶ
ପୁଣି କେବେ ଶାନ୍ତିର ବାରତା ।
ଶିକ୍ଷା ହୁଏ ମୋ ବିନୁ ଅଧୁରା
ଶିକ୍ଷିତଙ୍କ ପ୍ରିୟ ବସ୍ତୁ ମୁହିଁ,
ଲେଖିଦିଏ ଶୂନ୍ୟ କାଗଜରେ
ଚିରଦିନ ସୁରକ୍ଷିତ ଥାଇ ।
କେବେ ହୁଏ ମଧୁଠୁ ମଧୁର
କେବେ ପୁଣି ଶକ୍ତିଶାଳୀ ବୋମା,
କା ଜୀବନେ ଭରଇ ଆଲୋକ
କାହାପାଇଁ ଭୟଙ୍କର ଅମା ।
କାହିଁ କେଉଁ ପୁରାତନ କାଳୁ
ଲୋଡୁଛନ୍ତି ମୋର ଉପସ୍ଥିତି,
ଏ ଯାବତ ପଡୁଅଛି ଖୋଜା
ମୋ ବିନା ଅଧୁରା ଏ ପ୍ରଗତି ।