ପ୍ରେମ ପାଖୁଡା ର ରଙ୍ଗ

ପ୍ରେମ ପାଖୁଡ଼ା ରେ ଭରିଗଲା ପରେ

ମନଲୋଭା ରଙ୍ଗ ଏତେ,

ବୈଶାଖେ ବହଇ ମଳୟ ମରୁତ

ଘର୍ମସିକ୍ତ ତନୁ ଶୀତେ ।

ଥାଇ ବହୁ ଦୂର

ଝରକା ଏପଟେ ଭିଜେ,

ଆନମନା ମନ ହୁଏ ଛନଛନ

ଅତୀତ ଅଣ୍ଡାଳି ଖୋଜେ ।

କୋକିଳ କୂଜନ ପଞ୍ଚମ ସୁତାନ

ଶୁଭୁଥାଏ ଅହରହ,

ସୁମନ ଉଦ୍ୟାନେ ଗନ୍ଧବହ ଦାନେ

ପ୍ରେମ ବାସ ମହମହ ।

ଲତା ଲାଜକୁଳୀ ଲାଜେଇ ଝାଉଁଳି

ବୄକ୍ଷ ଆଲିଙ୍ଗନ କରି,

ଜୀବନ ସର୍ବସ୍ବ ଯାଚି ଦେଉଥାଏ

ଯେହ୍ନେ ସମର୍ପିତା ନାରୀ ।

ପ୍ରେମୀ ର ଭୁବନ ସଦା ପ୍ରେମେ ଲୀନ

ପ୍ରେମ ବିନା ସବୁ ଶୂନ୍ୟ,

ପ୍ରେମ ପାଖୁଡା ର ରଙ୍ଗ ବୋଳି ହୋଇ

ପ୍ରେମୀ ର ଜୀବନ ଧନ୍ୟ ।