ଭାବନା ରଙ୍ଗ
ଭାବନା ରଙ୍ଗ
ଭାବନା ରଙ୍ଗକୁ ରଙ୍ଗାଏ ମୁହିଁ
ମୋର ଏ କଲମ ମୁନରେ,
କେତେ କଳପନା କେତେ ଜଳ୍ପନା
ଫୁଟାଏ ମୁହିଁ ଛବିରେ ।
ସୁଖ ଦୁଃଖ ହସ କାନ୍ଦ ସବୁକୁ
ରୂପ ଦିଏ ପୁଣି ମୁହିଁ,
ଏ କଲମ ମୁନର ଶକ୍ତି ଆଗେ
ସବୁ ପଛରେ ପଡଇ ।
ଯାତନା ଦୁର୍ଦ୍ଦଶା ସମସ୍ତ ରୂପ
କଲମ ମୁନରେ ଆଙ୍କେ,
ଏଇ ମଣିଷ ବୁଝେନାହିଁ କିଛି
କଳିର କଳୁଷ ପଙ୍କେ ।
ଶିଶୁଟିର ଭବିଷ୍ୟତକୁ ନେଇ
ମୋ ଦେହରେ କଷ୍ଟ କରେ,
ସେଇ କଷ୍ଟ ଦିନେ ସଫଳ ହେଲା
ମୋର ଏଇ ଜୀବନରେ ।
ମୋ ଦେହରେ ଥାଏ ଅନେକ ରଙ୍ଗ
ଜୀବନେ ଭରିବା ପାଇଁ ,
ସବୁ ରଙ୍ଗ ପୁଣି ରଙ୍ଗୀନ ହୁଏ
କବିର ଭାବକୁ ନେଇ ।