ସ୍ବାସ୍ଥ୍ୟ ସଚେତନତା

ସ୍ବାସ୍ଥ୍ୟ ହିଁ ସମ୍ପଦ ଜାଣିଛେ ସଭିଏଁ

ଏକଥା ନୁହଁଇ ମିଛ ,

ସ୍ବାସ୍ଥ୍ୟ ଠାରୁ ବଡ଼ ଧନ କାହିଁ ନାହିଁ

ସ୍ବାସ୍ଥ୍ୟ ପାଶେ ସବୁ ତୁଛ ।

ନିଜ ଶରୀରକୁ ଭଲପାଅ ଯେବେ 

ସ୍ବାସ୍ଥ୍ୟର ନିଅ ଯତନ ,

ସମାଜ ପାଇଁ କି ହୁଅ ଦିଗଦର୍ଶକ 

ହୁଅ ନିଜେ ସଚେତନ ।

ନିଜେ ବଦଳିଲେ ଦେଶ ବଦଳିବ

କାଳେ କାଳେ ଏହା ସତ ,

ଗୁଣ୍ଡୁଚି ମୂଷାଟେ ହୋଇବାରେ ଆମେ 

ଦେଖିବ ସାରା ଜଗତ ।

ନିଜ ଅଭ୍ଯାସକୁ ବଦଳାଇ ଦେବା

ବଞ୍ଚିବା ସୁସ୍ଥ ଜୀବନ ,

ଆଖି ଥାଇ ଅନ୍ଧ ହେବାନାହିଁ ଆମେ 

ହେବାନି ସର୍ବେ ଅଜ୍ଞାନ ।

ସ୍ବଛ୍ଛତା ନିୟମ ପାଳିବା ସଭିଏଁ

ଗଢିବା ସମୃଦ୍ଧ ଦେଶ ,

ସୁବର୍ଣ୍ଣ ଭାରତ ଗଢିବା ଆମେରେ

ମୁଖରେ ଫୁଟାଇ ହସ ।

ହାତ ସାଥେ ହାତ ମନ ସାଥେ ମନ 

ମିଶାଇ କରିବା କର୍ମ ,

ସ୍ବାସ୍ଥ୍ୟ ସଚେତନ ସଭିଙ୍କୁ କରାଇ 

ବୁଝିବା ଏହାର ମର୍ମ ।