ହେ ନାରୀ

ହେ ନାରୀ ,

ମହନୀୟା ତୁମେ ବନ୍ଦନୀୟା ତୁମେ

ଜାୟା, ଜନନୀ ,ଭଗିନୀ,

ତୁହି ଦୁର୍ଗା ପୁଣି ତୁହି କାତ୍ଯାୟିନି

ତୁହି ଶକ୍ତି ସ୍ବରୂପିଣୀ ।

ହେ ନାରୀ ,

କେବେ ଯଜ୍ଞରୁ ସମ୍ଭୁତା ଯାଜ୍ଞସେନୀ ତୁମେ

କେବେ ତୁ ସାଜୁ ବସୁଧା ,

ସତୀ ସୀତା ହୋଇ ଅଗ୍ନିରେ ଜଳିଛୁ

କେବେ କୋମଳାଙ୍ଗୀ ରାଧା ।

ହେ ନାରୀ

କେବେ ତୁ କାହାର ମନର ମାନସୀ

କେବେ ତୁ ଅଭିମାନିନୀ ,

ସାଜିପାରୁ ତୁହି ପ୍ରାଣର ପ୍ରେୟସୀ

କାହାର ତୁ ଅର୍ଦ୍ଧାଙ୍ଗିନୀ ।

ହେ ନାରୀ ,

ତଥାପି ପାଇଛୁ ପରିଚୟ ପୁଣି

ଦୁଷ୍କର୍ମ ପିଡୀତା ହୋଇ

କେବେ ତୁ ଭିଜାଉ ନୟନ ଯୁଗଳ

କୁଳଟାର ଆଖ୍ଯା ପାଇ ।

ହେ ନାରୀ

ସକଳ ସହିଷ୍ଣୁ ଶକ୍ତିମୟୀ ତୁହି

କରିନାହୁଁ ପ୍ରତିବାଦ ,

ସ୍ନେହମୟୀ ପ୍ରେମମୟୀ ତ୍ଯାଗମୟୀ

ହାରିନୁ ଜୀବନ ପଥ ।