ଜୟ ମାଆ ସରସ୍ବତୀ

ଜୟ ମାଆ ସରସ୍ବତୀ ହଂସ ବାହିନୀ

କରରେ ଶୋଭିତ ବୀଣା ପଦ୍ମ ଆସନୀ

ବିଦ୍ଯା ଅଧିଷ୍ଠାତ୍ରୀ ଦେବୀ ମା' ସରସ୍ଵତୀ,

ସଦାବେଳେ ଶ୍ବେତ ବସ୍ତ୍ର ଧାରଣ କରନ୍ତି

ଅଜ୍ଞାନ ଅନ୍ଧକାରକୁ କରୁ ଦୂରୀଭୂତ,

ପରିବ୍ଯାପ୍ତ ତୁହି ମାଗୋ ଏ ସାରା ଜଗତ

ହସ୍ତରେ ବୀଣା ପୁସ୍ତକ ସ୍ଫଟିକର ମାଳ,

କୁନ୍ଦଫୁଲ ଚନ୍ଦ୍ରମା ମାଆ ବର୍ଣ୍ଣ ଧବଳ

ତୋ ଆଶିଷେ କାଳିଦାସ ହୋଇଲା ପଣ୍ଡିତ

ପୁଣି କେତେ କବିବର ହୋଇଲେ ବିଖ୍ୟାତ

ଶାରଳା ଦାସ ଯେ ପୁଣି ଲଭି ତୋ କରୁଣା ,

କେତେ କେତେ ଗ୍ରନ୍ଥ ସେହୁ କରିଲେ ରଚନା

ମୁକ ସତେ କଥା କହେ ତୋ ଆଶିଷ ପାଇଁ ,

ଜିହ୍ବା ଅଗ୍ରେ ଥାଇ ତୁମେ ପଦ ଦିଅ କହି

ମାଘ ମାସ ଶୁକ୍ଳପକ୍ଷ ପଞ୍ଚମୀର ତିଥି ,

ଶିକ୍ଷାନୁଷ୍ଠାନରେ ପୂଜା କରନ୍ତି ବିଦ୍ଯାର୍ଥୀ

ଶାରଦା ବରଦା ତୁହି ମାଆ ବୀଣାପାଣି ,

ଜ୍ଞାନ ଦାତ୍ରୀ ବିଦ୍ଯା ଦାତ୍ରୀ ତୁହି ମା' ଜନନୀ

ତୋ ଚରଣ ତଳେ ମୋଗୋ କରୁଛି ବୀନତି

ଆଶିଷ କର ପ୍ରଦାନ ମାଆ ସରସ୍ବତୀ 

କଣ୍ଠେ ମୋର ରହି ମାଆ କହିଦିଅ ପଥ ,

ସତପଥେ ଚାଲିବି ମାଆ କରୁଛି ଶପଥ ।