Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Sadananda Sahoo

Horror Inspirational

1.4  

Sadananda Sahoo

Horror Inspirational

ଭାବନାରେ ଭୂତପ୍ରେତ

ଭାବନାରେ ଭୂତପ୍ରେତ

1 min
400



ମନ ଭାବନାରେ ଭୟଟା ସଂଚାରେ 

   ଭୂତପ୍ରେତ  ଆବିର୍ଭାବେ , 

କେତେ ପ୍ରାସଙ୍ଗିକ କେତେ ଯୁକ୍ତିଯୁକ୍ତ 

    ଭୟଭୀତ  ଅନୁଭବ ।


ଘୋର ଅନ୍ଧକାର  ଭୟର କାରଣ 

     ନିର୍ଜ୍ଜନ ରାତ୍ରୀର ଛବି , 

ସ୍ଥିତି ପରିସ୍ଥିତି  ଯାଏ'ତ ବିଗିଡି 

    ଭୂତପ୍ରେତ କଥା ଭାବି ।


ଆଖି ଆଗେ ନାଚେ ବିକଟାଳ ରୂପ 

    ଅମା ଅନ୍ଧକାରେ ଜାଣି , 

ଶୋଇବା ଶେଜରୁ  ଉଠିହୁଏ ନାହିଁ 

    ବାଷ୍ପରୁଦ୍ଧ ହୁଏବାଣୀ ।


ଧବଳ ବସନ  ଭୂତର  ପ୍ରିୟର 

   ଏ'କଥା ବୋଲନ୍ତି ସର୍ବେ , 

ଧଳାଲୁଗା ପିନ୍ଧି ଭୂତୁଣୀ ଆସନ୍ତି 

  ନିଶାର୍ଦ୍ଧ ରାତିରେ ଭବେ ।


ଶୂନ୍ୟରୁ ଆସନ୍ତି ଶୂନ୍ୟରେ ହଜନ୍ତି

   ପ୍ରେତ ଆତ୍ମା ଭୂତ ହୋଇ , 

ଭଙ୍ଗା କୋଠରିରେ ନିର୍ଜ୍ଜନ ସ୍ଥାନରେ 

  ରହିଥାନ୍ତି ସେ'ଯେ ଚେଇଁ  ।


ଅନ୍ଧାରକୁ ସଜ  ଭୂତଙ୍କ ପ୍ରକୋପ 

   ଶୂନ୍ୟରୁ ଝିଙ୍କାର ଶବ୍ଦ , 

ଦେହ ମନପ୍ରାଣ ଭୟ ଅଧିନସ୍ଥ 

   ଶୁଖିଯାଏ  ସବୁରକ୍ତ  ।


ଖଟକଟମଟ  ଏ' ଶବଦ ଭିନ୍ନ 

   ଭୟରେ ଥରଇ ଛାତି , 

ସପନ ନିଦରେ ଭୂତଟା ଆସିଛି 

   ଚିପି ଦେବ ବୋଧେ ତଣ୍ଟି ।


ଭାୟାତୁର ହୋଇ କମ୍ବଳ ଯାବୁଡି 

   ମୁହଁମାଡ଼ି  ଶୋଇ ଯାଆ , 

ଭୂତ ପ୍ରେତଆତ୍ମା କରିବେନି କ୍ଷମା 

    ଲିଭି ଯିବ  ନାଁଆଗାଁଆ ।


ଭୌତିକ ବୌଦ୍ଧିକ କେତେସତ୍ୟାସତ୍ୟ 

  ବିଜ୍ଞାନ ଦର୍ଶନ ଶାସ୍ତ୍ରେ , 

ହେତୁବାଦୀ କହେ ଭୂତନାହିଁ ମର୍ତ୍ତ୍ଯେ 

   ଭାବନାର  ଚିତ୍ର ନିଶ୍ଚେ ।

 

ଭୟ କର ନାହିଁ ଭୂତ ଆସିବନି 

    ଶୟନ କକ୍ଷକୁ କେବେ , 

ଭୂତପ୍ରେତ ଆତ୍ମା ଆମରି ଆତ୍ମଜା 

    ଛାୟା ରୂପେଛନ୍ତି ଭବେ  ।



Rate this content
Log in