ଲାଇବ୍ରେରୀ
ପ୍ରୋଫାଇଲ୍
व्यथा
व्यथा
1 min
28K
भावाचे ना प्रेम मिळाले
बहिणीची ना छाया मिळाली
मनी मानसी कुढत राहिलो
माझी व्यथा ना कुणा कळाली
स्वार्थाने हे सगळे भरले
कामास्तव मज जवळ धरले
इच्छा मनीच्या पूर्ण होता
माझे अस्तित्व तिथे ना उरले
आशा मनीची धुळीस मिळाल
माझी व्यथा ना कुणा कळाली
घरासाठी मी झिजत गेलो
दिवसरात्र मी राबराबलो
सोडुन गेला पिता मजला
ज्याने त्याने स्वार्थ साधला
त्यांसाठी मी आता परका झालो
मज प्रेमाची ही शिक्षा मिळाली
माझी व्यथा ना कुणा कळाली
सर्वच अबोल झाले
मज पासुन खूप दूरच गेले
नात्यांचेही बंध निखळले
त्या स्मृती जेव्हा मनी दाटता
गालावरती अश्रू ओघळले
मज सेवेची ही भिक्षा मिळाली
माझी व्यथा ना कुणा कळाली
