प्रसाददान (पोवारी भाषा)

निवृत्तीनाथ मोरो ईश्वर । आशिर्वाद ज्ञानेश्वरीपर ।

देवो मोला कृपाकर । प्रसाददान येव ।।१।।

दुष्टको दुष्टपणा सोड़ाये । सत्कर्मलक प्रेम बढ़ाये ।

दुश्मनीको नाश कराये । होये मित्रता ।।२।।

पापरुपी अंधारो होये दुर । स्वधर्मरुप देखे प्रभाकर ।

पाहिजे वा मिले सुकर । जगमा प्राणिला ।।३।।

मांगल्यको अखंड बर्षाव । ईश्वरनिष्ठ को होये हर्षाव ।

निरंतर धरतीपर भाव । भेटे प्राणिला ।।४।।

चलतो कल्पवृक्षकी ध्वनी । सजीव गाव वु चिंतामणी ।

बोलतो असो समुद्रवानी । बगिचा अमृतको ।।५।।

चंद्र सारखो जो दागहीन । सुर्य सारखो जो तापहीन ।

असा सबला सज्जन । सोयरा भेटेती ।।६।।

वास्तवमा सुखी सबको । पुर्ण होये तिनही लोकको ।

भजन करु आदिपुरुषको । अखंड भक्तिलका ।।७।।

अना ग्रंथपर जेको जीवन । विशेष संसारमा साधन ।

विजयी दृष्ट,अदृष्ट चिंतन । होयजाये जी ।।८।।

कव निवृती होय प्रसन्न । भेटे येन प्रसादको दान ।

ज्ञानदेव पाय वरदान । सुखी भयेव ।।९।।