प्रेम तुझं नी माझं
प्रेम तुझं नी माझं
प्रेम तुझं नी माझं
आहे सखी मोलाचं |
नातं पती पत्नीचं
आहे खूप खोलाचं ||१||
प्रेम तुझं नी माझं
राधाकृष्ण समान |
दोन तन एक मन
जोड़ी अमुची महान ||२||
प्रेम तुझं नी माझं
भरी जीवनात गोड़ी |
जणू प्रेमाचे प्रतिक
आहे सारसाची जोड़ी ||३||
प्रेम तुझं नी माझं
वसंतात बहरलेलं |
मोहरीच्या शेतात
जणू सोनं भरलेलं ||४||
प्रेम तुझं नी माझं
सप्तपदी जीवनात |
सूर तुझ्या संगतीत
सप्तसूर गगनात ||५||
प्रेम तुझं नी माझं
गानं प्रितीचं मी गाईन |
ऋतूराज वसंतात
तूच माझी व्हेलेंटाईन ||६||