गड़कालिका तू धारवाली

गड़कालिका तू धारवाली, 

                 मालवा की अंबिका |

तू स्वामिनी पोवार कुल की, 

                 भोज की जगदंबिका ||

से धार नगरी मा जलाशय,

                 नाव से सागर तरा |

ओको किनारो पर बसी तू,

                 माय सबकी गड़परा ||१||

पोवार जालमसिंह का बी,

                 भय गया मन्नत पुरा |

आधार बुड़पण मा मिलेतो,

                 एक सुंदरसो टुरा ||

माता भवानी को कृपा लक,

                 वंश से पोवार को |

से ख्याति फैली संसार मा,

                 नाव मोठो धार को ||२||

सब देशभर का आवसेती,

                 माय तोरो गड़परा |

मन्नत सपा करसेस पूरी,

                 भक्त सेती जे खरा ||

करदे सुखी संसार मोरो, 

                 मी करूसू प्रार्थना |

गोकुल कसे स्वीकारले तू, 

                 माय मोरी याचना ||३||