बनू दिवोसाती बाती
बनू दिवोसाती बाती
सोडशान तलवार, धऱ्या नांगर दतार |
नेंग दस्तूर जपके, कऱ्या पालन संस्कार ||१||
बैनगंगा आँचलमा, बसी संस्कृती धारकी |
जितं ऊतं लहराती, खेती चोवं पोवारकी ||२||
मायबोली पोवारीको, होतो येवढ़ो दरारा |
होता बोलत पोवारी, आड़ीजात लोक सारा ||३||
शहरको संस्कृतीमा, भयी लुप्तप्राय बोली |
करू संवर्धन येको, भरू कवितालं ढोली ||४||
देन उजारो बोलीला, बनू दिवोसाती बाती |
मोरो इमान पोवारी, येनं मायबोलीसाती ||५||