झाकली मूठ सव्वालाखाची ...

माझं असू दे माझ्या जवळ...

तुझं असू दे तुझ्या जवळ

झाकली मूठ सव्वालाखाची ...

नाहक वळवळ हवी कशाला ?

माझं काय जगेन कसाही ...

तुम्हाला मी हि नकोच तसाही

झाकली मूठ सव्वालाखाची ..

तुमचं तुम्हाला लखलाभ...

ज्यांच्या खांद्यावर विश्वासानं मान टेकवली ...

त्यांनी कुरघोडी केली , चांगलीच जिरवली

सगळेच चोर , आहेच थोर , दाद तरी कोणाकडे मागावी ?

खाणारे तेच , गाणारे तेच, झाकली मूठ सव्वालाखाची ...

कुंपणाने शेतं खाल्ली ,खरं असलं तरी...

आपणच तर दिली तिजोरीची चावी

आता काय बघत बसावं खुशाल तमाशा

म्हणतात ना झाकली मूठ सव्वालाखाची ...