एक व्हा रे सारे
एक व्हा रे सारे
1 min
502
निळ्या निळ्या आभाळी चमचमते तारे
एक व्हा रे सारे तुम्ही एक आता व्हा रे
नको जात नको पात
त्यासाठी ना रक्तपात
जातीसाठी दंगेधोपे
देशपायी मरणे सोपे
जातीला त्या देऊनी माती
एक सारे व्हा रे
निळ्या निळ्या आभाळी चमचमते तारे
हा गुजराती, हा मराठी
वैदर्भी ना कुणी बंगाली
पंजाबी ना कोणी मल्याळी
ना कर्नाटकी ना कोणी हरयाणवी
हिंद सारे एक व्हा रे
निळ्या निळ्या आभाळी चमचमते तारे
तिरंग्यापुढे झुकला माथा
समानतेचा द्या रे नारा
कलाम अब्दुल, लाल बहादूर,
शास्त्रींचा निस्वार्थी बाणा
आता एकच हा बाणा
वंदे मातरम म्हणा
समानतेचा मंत्र जपा रे
एक व्हा रे सारे तुम्ही एक आता व्हा रे
निळ्या निळ्या आभाळी चमकतील तारे