लाइब्रेरी
प्रोफाइल
स्वप्न
स्वप्न
1 min
472
काट्यांसवे फुलतात फुले
तशी रोज फुलते मी
दुःखास ठेवते झाकून
सुखास शोधते मी
स्वप्न जपले जे उराशी
ते पूर्ण करतेच मी
आशेच्या किरणावरती
रोज नव्याने झुलते मी
मिटता पापण्या अलगद
डोळ्यांमध्ये स्वप्ने उतरती
जाई जुईच्या सहवासाने
सुगंधित होऊन जाती
झुलते कधी वाऱ्यावरती
कधी डुंबते पाण्यामध्ये
राणी मीच असते
माझ्या नशिल्या स्वप्नामध्ये
शिल्पकार मी माझ्या
जीवना फुलवत नेते
श्रमाच्या हिंदोळ्यावर
जीवन गाणे सुंदर गाते
