प्रीत बावरी

मुरलीचे ते सूर ऐकूनी

राधेची होई प्रीत बावरी||ध्रृ||

प्रीतीच्या या धूंद वाऱ्यावरी

मृदुगंध छेडतो तुझ्यापरी

मी राधा झाली बावरी

मन वेडे झाले रे श्रीहरी

राधेची होई प्रीत बावरी||१||

मनात चांदणे लखलखताना

हरपून जाई खुलता खुलता हसताना

धुंद धुंद या श्वासातूनी भारी

छेडून जाई तव सूर मुरारी

राधेची होई प्रीत बावरी||२||

कृष्ण कृष्ण हरे कृष्ण कृष्ण

जप चाले राधेच्या अंतरी

भावमनीचा येई दाटूनी

तव प्रीतीची ही रितच न्यारी

राधेची ही प्रीत बावरी||३||