वाडा चिरेबंदी

वर ओढ्याच्या किनारी

माझा वाडा चिरेबंदी

त्याला दु:खाची दारं खिडक्या

त्यात सुख जायबंदी

अंगणातली हिरवी तुळस

सारीच करपून गेलेली

तोरणातली आंब्याची पानं

काही गळलेली अन वाळलेली

दरवाज्याचा सोनेरी रंग

जूना - पूराना दिसतो आहे

खिडकीतली दाट जळमटं

कधी येणार? पुसते आहे

परतूनी ये रे घराला

बोले आजीची मोडकी काठी

आजी गेल्या नंतरची

तीच्या एकटेपणाची साठी

आई बाबांचे कौलारू छप्पर

मोडकं - पडकं झालेलं

भाऊ - बहिणींची ही आधार खांब

वाळवीने पोखरून टाकलेली

परसातली आंबा फणसं

सारी वांझ झालेली

सरणावरची पडकी विहीर

जीव कंठत आटलेली

चिरेबंदी वाडा माझा

दु:खाने विझून गेलेला

माझी वाट पाहून - पाहून

तो ही थकलेला - कंबरेतून वाकलेला