लाइब्रेरी
प्रोफाइल
सार जगण्याचे
सार जगण्याचे
1 min
157
स्वतः बाहेर बघा जरा
मन मोठं जगा जरा
खिसे भरून ओसंडाया लागले
थोडं वाटायला शिका जरा
लपवून झाकून ठेवलेले काळीज
मन मोकळं बोला जरा
उद्या, उद्या करू म्हणताना
आजचा विचार करा जरा
मुठीत घट्ट दाबून ठेवलेले
सुख लख्ख दाखवा जरा
जिगरा लागतो दुःख झेलायला
स्वतः ही ओझं उचला जरा
माणूस म्हणून माणसाशी नाते
जुने ते सारे विसरा जरा
चार खांदे असावे ओळखीचे
चेतन सांगतो ऐका जरा
