जोवर मी आहे

चार अश्रू वाहुनी घे रे जोवर मी आहे

मनातले सारे मागुनी घे रे जोवर मी आहे 

कोण पाहतो उदयाला ठाऊक कुणास नाही

जवळ बसूनी बोलूनी घे रे जोवर मी आहे

कुठे कुठे काय ठेविले शोधशील गेल्यावरती

हृदयातले हृदयी साठवूनी घे रे जोवर मी आहे

नकोस शंका ठेऊ उरी जुन्या शपथा-वचनांची

एकाच आपण, जाणुनी घे रे जोवर मी आहे

कश्यास कुणाला लावावा बोल, बोल तुझे नी माझे

उरा उरी भेटूनी घे रे जोवर मी आहे

सापडतील मग पाऊलखुणा राख होईन तेंव्हा

सोबत पावले चलूनी घे रे जोवर मी आहे

जाताना सांगतो एकच तेवढे सोडू नकोस देणे 

समान हा धागा बांधुनी घे रे जोवर मी आहे