खरं सांग देवा
खरं सांग देवा
खरं सांग देवा तुझा ठाव ठिकाना काय आहे
मांदिर, मस्जिद, गुरुद्वारा कुठे तुझा पाय आहे ---- ||
आजपर्यंत कधी कुणाला भेटला होतास का ?
नवस बोलून कधी कुणाला पावला होतास का ? ---- ||
एक दिवस उपाशी राहून उपवास नाही घडला
कीर्तन भजन करूनही तू हट्ट नाही सोडला -----||
काय सांगतो तुला तुझंच सांभाळल्या जात नाही
मंदिराचा कळस कोण नेतं कसं तुला कळत नाही ----||
आरं सगळे उपाशी राहून पहिला निवद तुला घालतो
मी वाजवितो टाळ म्हणतो आरती तू मौन पाळतो -----||
जिथं तिथं संकटकाळी लावतो तुझा वशीला
नाही पावला अजून कधीच माझ्या नवसाला -----||
आता काय म्हणावं तुला हे मलाच कळत नाही
पतीत पावन नाव तुझे तूच कधी पाळत नाही ---||
आता तरी खरं बोल देवा तू आहेस तरी कुठं
का उगाच आपलं फुकटच नाव केलंस मोठं -----||
आई म्हणते पाया पड बाबा म्हणतो पाया पड
तू सांग माझ्या जीवाची का रे अशी फडफड ----||