माझी लेखणी
माझी लेखणी
माझी लेखणी माझा श्वास,
अंतरात्म्यातला,आवाज !
मनातील भावनांना, वाट देत,
विवेकाने चढवलेला साज !!
माझ्या, अनुभवाचा खजाना,
उतरतो, झरझर लेखणीतून !
विचारांचा ओघ वाहतो,
संचय झालेल्या मनांतून !!
षडरिपुंनी,प्रेरित आवेगातून,
स्फुट होणारा , उन्माद !
लेखणीतून,व्यक्त होणारा,
मनांतील अंतर्नाद !!
कधी ,अन्यायाने व्यथित,
झालेल्या मनाचा फुत्कार !
वेदनांनी कळवळणारा,
सुलगत जाणारा अंगार !!
कधी आनंदाच्या लहरींनी,
उचंबळणारे, एक ह्रदय !
कधी दु: खाच्या तीव्रतेने,
अश्रु ढाळणारी माय !!
कधी तरल कल्पना करूनी,
अद्भुत , भावविश्व उभारी !
सैर सपाटा, वाचकाला ही
घडविती,गुंगवूनी ती सारी !!
जे न देखे रवी ते पाही,
साहित्यक लेखणीतूनी !
कधी रडवी करूणेने,
हसवी कधी,चुटकुल्यांनी !!
कधी प्रेम शृंगाराचे वर्णन,
करूनी स्वप्न रंजन करते !
मोरपिस फिरवुनी अलगद
मनांला गुदगुल्या ती करते !!
लोकमनांच्या भावनाचे,
प्रतिबिंब लेखणीने उतरविते !
दडपुनी न जाता झुंडशाहीने,
प्रसंगी,हौतात्म्य ही पत्करीते !!