बदली एक स्वप्न
बदली एक स्वप्न
सोप्या अवघडचा येथे मोठा घोळ आहे
प्रशासन,संघटना,नेत्यांचा एकत्रित झोळ आहे //
ऱाबराब राबतो वाडी वस्तीचा शिक्षक येथे
त्यांच्या कष्टाला ,घामाला कुठे येथे मोल आहे?
पैसाच्या लाचा, नेत्यांची मक्तेदारी चहूकडे
संघटनेचे हिरे येथे अनमोल आहे //
वर्षानुवर्षे स्वप्न बदलीचे असते उरी
आईवडील,बायकामुले याचा कुठे मेळ आहे ?
कुंपणच येथे शेत खातय भोळ्या मास्तरा
दिव्याखाली दाटला भयाण आंधार आहे //
काय चूक केली शिक्षक होऊन आम्ही ?
सिस्टीमच येथील पुरती बरबाद आहे
सोप्याच अवघड अन अवघडच सोप
यांच्या हाताचाच हलका मैल आहे //
पगार असून नाही समाधानी येथे कोणी
कुटुंबात राहण्याची बुडली कर्म कहाणी
देव पाहतो ना सगळे डोळे बंद करुन
पाहु आता कित्येकांचे गुन्हे येथे माफ आहे //
छळछावणी लाऊन काय मिळते तुम्हाला ?
किती तरी दु:खे आमच्या पुढ्यात आहे
नौटंकी दिखावा पुरे झाला लागोलाग आता
येथे विचार नीती अन विवेकाचा आहे //
नका करु इतका विचार तुम्ही आमचा
फायदाच तुमचा अन त्यांचा यात आहे
सोप्या अवघडाचे सूत्र मांडून तुम्ही
शिक्षक समाजाची लावली पुरेपूर वाट आहे //