मी एक शक्तिशाली

स्वप्नाचे असे पंख माझे

आकाश ठेंगणे झाले जगी

पाहून माझी इच्छाशक्ती

सागराला ही वाटे भिती

लौकिक माझ्या तेजाचा

सुर्यकिरणे झाकळती 

शौर्याचे करता वर्णन

विजेची झाली मंदगती

कारुण्याचा भाव जगता

धो धो बरसती आम्रसरी

माया माझ्या ह्रदयाची 

न तोले भार धरा क्षणभरी

धैर्य अचाट दिसता समोर

पर्वत माना झुकवती

प्रेमाचा माझ्या शोध घेण्या

नद्यांची झाली धारा उलटी

पाहण्या माझी दिव्य कांती

चंद्रसुर्य एकरुपे प्रकटती

आत्मविश्वास माझी शक्ती

म्हणून मी काळाचा अधिपती

सुंदर रमनी ही भव्यसृष्टी 

सामर्थ्यवान हीचा मी प्रजापती