शाळा सुरू झाली

कोरोनाच्या  महामारीने

माजला होता हाहाकार 

विसरुनच गेलो होतो 

सारा गुणाकार ,भागाकार .....१

दीड वर्ष जवळजवळ 

घरातच होतो बंद 

खेळ नाही, मित्र नाही 

झालो आम्ही मंद .......२

आज शाळा भरल्यावर

खूप मज्जा आली 

डिजीटल शाळेपासून

आमची सुटका झाली .....३

बूट आणि कपडे

झाले सगळे आपरे

तरीही शाळेत जायला 

भरले नाही कापरे .....४

इतिहासाच्या तासाला 

शिकलो पानिपतचा लढा

गणिताच्या तासाला 

शिकलो सतराचा पाढा....५

आता नाही म्हणणार 

कधी भोलानाथचे गाणे

शाळेत साचले तळे

तरी जाईल आनंदाने .....६