हसू खेळू नाचूया
हसू खेळू नाचूया
आज बालदिनी आपण
शपथ सारे मिळून घेऊया
बास झाले मोबाईल चाळणे
आता मैदानी खेळ खेळूया ||१||
लपाछपीचा डाव रंगेल
लपण्यास जागा शोधूया
सुरपारंब्या खेळता खेळता
झाडावरती सरसर चढुया ||२||
खोखो खेळता खेळता
दमून खूप जाऊया
घाम येईपर्यंत खेळून
पोट भरुन खाऊया ||३||
निसर्ग नेहमी साद देतो
त्याचेही थोडे ऐकूया
कधी पक्षासारखे उडून
सुंदर पृथ्वीला पाहूया ||४||
बालपण छान घालवू
फुलपाखरासंगे बागडूया
फुलांचे रंग डोळ्यात भरून
मोराबरोबर ताल धरूया ||५||
चला मुलांनो यारे सारे
निसर्गात रममान होऊया
कधी मैदानी खेळ तर कधी
हसू खेळू नाचूया ||६||