भाऊ माझा पाठीराखा

भावा बहिणीचे नाते

स्वर्गातच बनलेले

रेशमाच्या धाग्यामध्ये

प्रेमभावे गुंफलेले ||१||

ऐश्वर्यात लोळते मी

माझ्या सासरच्या घरी

तरी ओढ घेई मन

कसे माहेरच्या दारी ||२||

भाऊ माझा पाठीराखा

मला भक्कम आधार

हाक बहिणीची येता

करी संकटांना पार ||३||

आईसम माया करी

फुटे प्रेमाचा पाझर

बाबांचेच प्रतिबिंब 

दिसे त्याच्या मुखावर ||४||

ओवाळते भाऊराया

प्रंचप्राण घेते ताटी

देते आशीष सौख्याचा 

भरी वहिणीची ओटी ||५||

नको बहिणीस काही 

साडी, चोळी जरतारी

भाऊ दीर्घायुषी व्हावा

विनवणी देवा करी ||६||