वाघाची मावशी

इवलीशी मनीमाऊ 

गोरी गोरी पान 

घारे घारे डोळे तिचे

इवलेसे कान ||१||

शेपटीचा गोंडा हलवत

उंदराची चाहूल घेते

भूक लागताच आईच्या 

पायाशी घुटमळते ||२||

इकडून तिकडे धावते

लुटू लुटू लुटू 

डोळे मिटून दूध पिते

चुटू चुटू चुटू ||३||

बसायला आवडतो तिला

स्वयंपाकाचा कट्टा

उंदीर, झुरळ, पालींचा

करते पार चट्टामट्टा ||४||

चिंगी आणि गोटयाशी

लपाछपी खेळते 

चोरपावलांनी जाऊन

मोत्याची खोडी काढते ||५||

इवलीशी मनीमाऊ 

आहे वाघाची मावशी

बहिणीला भेटायला 

जाईल म्हणे एकादिवशी ||६||