पाऊस
पाऊस
1 min
256
थेंब थेंब पावसाचे,
आले खिडकीतून आत...
थंड हवेची झूळूक,
स्पर्शून गेली मनास...
पडदा फडफडवून क्षणात,
आला भर्रकन आत...
शिंपडले थेंब वेडे,
मी आनंदले मनात...
गरम गरम कॉफीचा,
सुगंध दरवळला घरात...
मी,कॉफी नी पाऊस,
विरघळलो उराउरी क्षणात...
हलकेच उतरला पाऊस,
खिडकीतून सहज घरात,
धरूनी हात माझा,
लेखणी बुडाली निळसर धुक्यात...
नि:शब्द आस्मानी प्रीती,
गहिवरली मन्मनी क्षणात,
भाववेडी राधिका,
उतरली निळ्या शाईत आज..
तो कैफ मोरपंखी क्षणांचा,
चढला एकांतास आज
मी न उरले वेगळी,
अन् उरला पाऊस तनमनात...