अपूर्ण प्रेम

प्रेमाचे पूर्णत्व

कोणाकडेच नसते

प्रेम जन्मालाच अपूर्ण येते...

अर्धे प्रेम त्याच्याकडे

अर्धे प्रेम तिच्याकडे

फक्त त्या दोघांचेच

प्रेम एकत्र येता

प्रेम पूर्ण होते...

प्रेमाच्या पूर्णत्वालाही

आयुष्याची मर्यादा असते

अपूर्ण प्रेम शेवटी

अपूर्णच असते...

आपले अर्धे प्रेम

कोणाच्याही अर्ध्या प्रेमाला जोडून

पूर्ण प्रेम होत नाही

निर्माण होतो तो आभास

त्या अभासातून

जन्माला शेवटी

प्रेम अपूर्णच येते...

दोन अपूर्ण प्रेमांना

पूर्णत्व क्वचितच मिळते

कारण आपले

खरे! अर्धे प्रेम

मिळविण्यासाठी

फार मोठी किंमत

मोजावी लागते

जी मोजण्याची

हिंमत आजच्या

स्वार्थी जगात

बहुतेक कोणाकडेच नसते

म्हणूनच आज

प्रत्येकाचे प्रेम शेवटी

अपूर्ण असते....