महाराणी पद्मावती

ऐतिहासिक कविता

चित्तोडची राणी पद्मावती

लाखात एक ती देखणी ,

शस्त्रात निपुण, पारंगत

गंधर्वसेन पुत्री असे ती गुणी..!!

रतनसिंह राजाची भार्या

सौंदर्यांची जणू ती खाण ,

अल्लाउद्दीन खिलजी निष्ठूर

झाला फिदा, नसे जाण..!!

पाहण्या उतावीळ झाला

कैद केले रतन राजाला ,

राणी पद्मावती खवळली

खिलजीवर डाव उलटला..!!

अट घालूनी खिलजीला

दासीसह दाखल होईन ,

उतावीळ खिलजी केली मान्य

पद्मावती पोहचली तयार होऊन..!!

युद्ध करून सोडवले राजाला

अपमानित खिलजी खवळला ,

युद्ध पुकारून मारले राजाला

चित्तोड किल्ला मुघलांनी भेदला..!!

पद्मावतीने जागं केलं स्त्रीयांना

सती जाण्याचा डाव तो रचला ,

घातला घोळका किल्ल्याच्या तटाने

अन् खिलजी धावे पद्मवती पहायला..!!

आगीच्या मशाली पेटविल्या

आगीचा डोंब असा उसळविला ,

गेली राणीे आगीत सती होवून

खिलजीवर तिने विजय मिळविला..!!

थक्क होई प्रत्येकजण ते ऐकल्याने

महाराणी पद्मावतीची शौर्यकथा ,

इतिहास घडवला पद्मावतीने

आजही गायली जाते तिची गाथा..!!

प्रणाली कदम, मुंबई