इमोजीची गंमत
इमोजीची गंमत
काय सांगू बाई
नेहमी मला घाई
मुलगा माझा म्हणतो
इमोजी टाकावी आई
टाईप करायला गेले
बढियाचे बुढिया झाले
मैत्रिणीची समजूत काढता
माझ्या नाकी नऊ आले
छान छान म्हणताना
इमोजी तीन टाकते
भारी पटलंच मनाला
तर अंगठा मी दावते
हात जोडून कधी कधी
धन्यवाद सुद्धा म्हणते
कधी सॉरी म्हणताना
तसेच हात जोडते
दुःख झाले कधी तर
इमोजी रडकी टाकावी
अती आनंद झाला तर
बत्तीशी मस्त दाखवावी
लहान होऊन कधी कधी
टाळी उगाच वाजवावी
स्मित हास्य करण्यासाठी
हसरी इमोजी टाकावी
इमोजीची ही कसरत
आवडते आताशा मला
कितीही असली घाई
पकडते मी इमोजीला