परतुनी ये अंगणी...
परतुनी ये अंगणी...
1 min
6
होई काहिली काहिली
नाही झाडांची सावली
कुठे दिसेनात झाडं
सारी जंगले तोडली
चिऊताई व्याकुळली
नाही पिण्यासाठी पाणी
चिवचिव चिमण्यांची
नाही पाखरांची गाणी
कुठे बांधणार खोपा
नाही अंगणात झाडं
बंद दाराची संस्कृती
बंद घराची कवाडं
काऊ चिऊची ती गाणी
मुलं विसरली आता
चिऊ काऊचा तो घास
देत होती खाता खाता
येगं येगं चिऊताई
चिऊ अंगणी यायची
चिऊ काऊचा तो घास
मुलासंगे ती खायची
खूप खूप लावा झाडं
ठेवा थोडे दाणापाणी
हाक मारा आणि म्हणा
परतुनी ये अंगणी