लाइब्रेरी
प्रोफाइल
हृदयात कळ बारीकशी
हृदयात कळ बारीकशी
1 min
83
ओलेती थरथरली काया
गंध केसरी फुलारलेला
श्वास धपापे मऊ मुलायम
मंद मोगरा दरवळलेला
अवगंठून ती उभी अंगणी
धुंद रुपेरी पावसात
ओलेते ते ओष्ठ पाहूनी
धडधड उठली ह्रदयात
चेहऱ्यावर महिरप केसांची
ढगातून जणू चंद्र दिसे
पहाताच त्या मदनिकेला
पहा लागले मजसी पिसे
साडी चिकटली अंगाला
उठावदार ती तनू दिसे
वाराही आला रंगाला
जणू त्यालाही लागले पिसे
मनात माझ्या मोर नाचला
वाटे विचारावे गूज तिला
एकदा तरी चुंबन घ्यावे
घट्ट कवळावे कुशीत तिला
हे सुंदरी हुस्न परी
अप्सरा की उर्वशी
ओलेत्या संध्याकाळी
दारी उभी का तू अशी
ती वदली अहो दादा
येवढा पत्ता सांगा मजशी
दादा शब्द ऐकताना
हृदयात कळ बारीकशी
आणि माझ्या स्वप्नांची
झाली मग काशी काशी
