Library
Profile
गटारी....!
गटारी....!
आज अमावस्या । गटारी फटारी ।
पुन्हा ही उधारी । मोक्यावेळी ।।
मित्र परिवार । सगे सोयरेही ।
ते दिसतीलही । गुत्यामध्ये ।।
नमस्कार देवा । त्यांना मी करीन ।
उधारी देईन । त्यांची पण ।।
पण देवा तूच । सांग रे एकदा ।
दिले अनेकदा । प्रेमापोटी ।।
आता कसे मग । मीच का रे देऊ ।
उधारी का पाहू । त्यांची ही रे ।।
नको ही गटारी । मलाही वाटते ।
प्रेमही दाटते । गटारीस ।।
केला मी ही पण । नको ही गटारी ।
म्हणतो मी हरी । पांडुरंगा ।।
पाव रे मलाही । दर्शन नको रे ।
संगत नको रे । आज मला ।।
राहू दे सुखात
। माझ्याच घरात ।
नको रे दारात । कोणी आता ।।
म्हणे पांडुरंग । उठ लवकर ।
फेडी रे उधार । पहिल्यांदा ।।
मग बघ कोणी । नाही रे येणार ।
मागण्या उधार । तुझ्या दारी ।।
फेडली उधारी । सकाळी सकाळी ।
लई यरवाळी । आपसूक ।।
झालो मी मोकळा । देऊन उधारी ।
पहातो शेजारी । अचम्बित ।।
पावे पांडुरंग । सुख हे अपार ।
भरला पदर । तव कृपे ।।
आनंदी आनंद । हा परमानंद ।
खरा स्वानंद । आनंदात ।।
प्रशांत सांगतो । हे कळवळून ।
पहा रे वळून । घराकडे ।।
गटारी फटारी । सब झूट आहे ।
तो सर्व हे पाहे । पांडुरंग ।।
