गस्त......

गस्त

डोळ्यात तेल घालून

पहारा असा देतो

नित्यनियमाने मग

सिमेवर गस्त घालतो...१

तीन दले सैन्याची

भूदल आमची शान

हाती शस्त्र संगिनी

त्याचा आम्हा अभिमान.....२

पावसाच्या थैमानात

कमरेवर पुराचे पाणी

तरी शिस्त आमच्यात

उतरलोत जसे या रणी....३

शत्रूंवर वचक ठेवण्या

नित्य असे हा क्रम

भारत देशाच्या रक्षणा

कमीच वाटे हे श्रम....४

पोशाख हा सैनिकी

अंगावर चढतो जेंव्हा

रोमांचित होते तन मन

विरश्री दौडते तेंव्हा.....५

मनी एकच आहे आशा

देशाचे स्वातंत्र्य टिकावे

सिमांचे रक्षण करता

हौतात्म्य नशिबी यावे....६