बाप्पा मोरया

सुंदर मूर्ती तुझे मोहक डोळे

किती ही मनात साठवलं तरी मन का भरत नाही..

वर्षातून एकदा तू येतो 

तू जातो म्हणाला की डोळ्यातले पाणी का थांबत नाही..

तू असल्याची इतकी सवय होते की

तु आहेस ना पाठीशी म्हटलं की पाठी चिंता का उरत नाही.

रोज काही नाही मागणे असते 

पण तुला काय वाटते हे कोणी का बर विचारत नाही..

सगळ्यांचा भार तुझ्या एकट्या खांद्यावर

कोणी तुझ्याशी तुझ्या बद्दल विचार का करत नाही..

तुला हक्काने घरी बोलावतात गाऱ्हाणं ऐकून एकटा थकलास का कोणी का विचारत नाही..

नंतर नंतर तुझे पाण्याने भरलेले डोळे

पाहून मन अगदी कासावीस झाल्या शिवाय का राहत नाही..

तू आल्याचा आनंद सगळ्यांना होतो

आरती सोडून डी जे लावला की त्रास होतो कोणी का विचारत नाही..