अस्तित्व

गजबजलेल्या वस्त्यांचे आज झाले स्मशान आहे

सरड्यागत रंग बदलणार् या लोकशाहीत

आज जीणे हराम आहे /

स्वार्थाच्या या दुनियेमधी कुणी माझा ना कुणी तूझा

स्वजन म्हणवितो ज्यांना, तेच विश्वासघातकी आहे /

जीवनामध्ये आकांक्षाचे, बांधले किती मनोरे

त्या मनोर् याचा ढासळलेला कळस शोधतो आहे /

कोण मी, कूठला मी माझे अस्तित्व ते काय?

शोधताना वाटा मी स्वतःच हरवले आहे !

दारिद्र्याच्या आभाळाला ठिगळ जोडताना

रात्रीच्या या अंधारामधी उजेड शोधतो आहे /

बुरखे मुखवट्याांचे फाडू तरी किती मी

गर्दीत रावणांच्या मी राम शोधतो आहे /

बेकारीच्या झिजवित टाचा, जीवन शोधतो आहे

लाचारी च्या या जगात माझे, अस्तित्व शोधतो आहे /