'તથાસ્તુ !' હવે કહી દે... હે ઈશ્વર !
'તથાસ્તુ !' હવે કહી દે... હે ઈશ્વર !
કહી દેને હવે કે, 'આ સ્વપ્ન છે'..હે ઈશ્વર !
વર્તાઈ રહ્યો કાળો કેર..હે ઈશ્વર !
બુદ્ધિજીવી મનુષ્યના કાવતરા કાળા,
પણ નિર્દોષ કેટલાય પિલાઈ રહ્યા..હે ઈશ્વર !
માણસ જ ભાગે માણસથી આઘો !
કેમ કરી રળવો હવે રોટલો..હે ઈશ્વર !
દિવસે-દિવસ વધી રહ્યો કાળનો કોળિયો,
મહામારીનો માર અતિ આકરો.. હે ઈશ્વર !
મંદિર, મસ્જિદ ને દેવળ પણ બંધ !
ક્યાં જઈ ઝોળી મારી ફેલાવું..હે ઈશ્વર !
સર્વોપરી થવાની ઘેલછાએ નોતર્યો વિનાશ,
વિજ્ઞાનીઓ-ય પડી રહ્યા ઝાંખા..હે ઈશ્વર !
તુજ ઈચ્છા વિના ન હાલે પાંદડું !
હાથે કરીને હાંફ્યો હવે માનવ..હે ઈશ્વર !
કાળરાત્રિ સમા આ કાળને મિટાવી દે હવે,
સુવર્ણી સોણલું સજાવી દે.. હે ઈશ્વર !
ઝંખુ છું હવે માત્ર સામાન્ય જનજીવન,
મહામારી તો હતું એક દુ:સ્વપ્ન માત્ર..
બસ 'તથાસ્તુ' હવે કહી દેને.. હે ઈશ્વર !