તોડફોડ મલ્લ

સમયનું કંઈ ઠેકાણું નહીં ક્યારે ફરવા નીકળી પડે કહ્યા વગર,

એટલે વિનવું તને થોડો આપ સમય મને તારી હૂંફની છે જરૂર !

કોઈ રમ્યું, કોઈએ મચકોડ્યું, કોઈએ ફેંક્યું, કોઈએ તોડ્યું,

તોય દિલ મારું છે જબરું ધબકે છે હજી કોઈની આશમાં !

કહેવાય નહીં પણ લખ્યા વિના રહેવાય નૈ-તું વાંચીશને મને,

આમાં મારો શો વાંક જો ધબકે દિલ હજી તારી આશમાં !

કમાલ કરું છું ને હું અવગણીને હમેશાં તારી બુરાઈઓને,

ને ધમાલ કરે છે તું કાં હંમેશાં જોઈ જોઈ મારી સારાઈને !

શબ્દો ને નીર ઓછાં એટલા કિંમતી, વધું તો તોડફોડ મલ્લ,

ઠાલવવા સહેલાં, પણ અઘરાં પાછાં લાવવા, વાપર અક્કલથી !