સતત જિંદગીમાં, સાથે વહેતી, આજ

સતત જિંદગીમાં, સાથે વહેતી, આજ છે તું

નાં, કદી ડૂબે એવી, સંધ્યાની સાંજ છે તું,

હાલક ડોલક થતી, વહેતી રહી આ જિંદગી

નાં, કદી પૂરી થતી આપણાં બંનેની વાત છે તું,

શું કહું, આ શબ્દોની વણઝારમાં શોધતો તને

કવિતા કે ગઝલ લખું શબ્દો તણો શણગાર છે તું,

આડી અવળી દોડતી આ જિંદગી સાથ તારી

દરિયા કિનારો, મઝધાર અને ક્ષિતિજ છે તું,

ઉષાકાળે ખીલતી, મધ્યાહને, સંધ્યાકાળે મઘમઘતી

પૂરા, અધૂરા જોયેલા સપનાંની રાત છે તું,

લખાયેલી, ન લખાયેલી જિંદગીનું પ્રકરણ તું

કવિતા, ગઝલ, વાર્તામાં મારો અવાજ છે તું.