દિલની દોલત તમે લૂંટી બેઠા

વાત વાતમાં તમને દિલ દઈ બેઠા,

તમારી મીઠી મીઠી વાણીને અમે પ્રેમ સમજી બેઠા,

સરિતા સમજી કર્યો હતો સંગાથ તમારો,

તમે તો સહરાની તપતી રેત બની બેઠા,

અસલી ગુલાબની મહેક સમજી હૃદય ચમનમાં ઉતારો આપી બેઠા,

પણ તમે તો કંટક બની હૃદયમાં ચુભી બેઠા,

અમે તો વસંતનો વાયરો સમજી દોસ્તી કરી બેઠા,

પણ તમે તો પતઝડ બની હૃદય ચમનને વિરાન બનાવી બેઠા,

અમે તો રાજા સમજી તમને દિલના સિહાસન પર સ્થાન આપી દીધું,

પણ તમે તો લૂંટારૂ બની દિલની સઘળી દોલત લૂંટી બેઠા.