આઝાદ છે મા ભારતી ?

એક વાર નજર તો કરો,

શું, આઝાદ છે મા ભારતી !

સોનાની હતી જેની મૂરત,

તે નથી રહી આ ધરતી !

હતી હરિયાળીથી જે લહેરાતી,

તે આજ દવાઓથી છંટકાતી !

વ્યોમ વિશાળે સ્વૈર વિહાર કરતી, 

કેમ ઉદાસ જણાતી મા ભારતી ?

નદીઓના મધુર સ્વરે ખળખળતી,

આજ કેમ નથી હસતી કે રમતી. ?

હતી ફૂલોની મહેક પ્રસરાવતી,

આજ પૈસાના તોલે સુગંધ ફેલાતી

હતી ગૌધણની ધૂળથી હરખાતી, 

રોડ ને રસ્તા ક્યાંએ ધૂળ ઊડતી ?

ગર્વથી વિશ્વાસના શ્વાસે જીવતી ?

આજ, ઓક્સિજનના વલખાં મારતી !

હતું પક્ષી કલરવથી આકાશ ગૂંજતું,

મોબાઈલ ને લાઉડસ્પીકરોથી પંખી નામશેષ થતું ! 

એકવાર તો આવીને જુઓ,

શું, આઝાદ છે મા ભારતી ?

હતી અખંડિતતાની મૂરત,

આજ ખંડિત થઈ છે મા ભારતી !

સત્તા પ્યારી લાલચતાએ,

દીનને શુષ્ક થઈ છે મા ધરતી !

ગાંધી, સરદારને સર્વે શહિદ વીર,

એક વાર આવીને તો જુઓ !

જે છોડી ગયા હતા સોનાની મૂરત

 શું, તે જ રહી છે મા ભારતી ?

એકવાર તો આવીને જુઓ,

શું, આઝાદ છે મા ભારતી ?