સ્ત્રી

બાળકની જન્મદાતા છે સ્ત્રી, સ્ત્રી તો આપણીસૃષ્ટિનો આધાર છે,

કુદરતે આપેલી નજાકત, છતાં પાર પાડી શકે ગમે તેવા પડકાર છે,

 

લોકો ભલે ને એવું કહેતા ફરે કે, સ્ત્રીનું કોઈ ઘર હોતું નથી,

દરેક ઘર સમજે છે પોતાનું, સમર્પણની મૂર્તિ, જતા કરે પોતાના અધિકાર છે,

 

આપણા સહુની જિંદગીમાં, સ્ત્રીનું સ્થાન છે સુમધુર સીતાર જેવું,

સ્ત્રી હોય તો જિંદગી છે સદાબહાર, સ્ત્રી વગરનું ઘર તાર તાર છે,

 

દરેક ઘરમાં સ્ત્રી હોય છે, પુરા પરિવારની મજબૂત ધરી જેવી,

સ્ત્રી જ્યારે પડે છે માંદી તો લાગે એવું, જાણે પૂરો પરિવાર બીમાર છે,

 

સ્ત્રી જિંદગી જીવતી હોય છે, પરિવારની પસંદગી પ્રમાણે,

જે ઘરમાં જીવી શકાય, સ્ત્રી તરીકે ના ભય વગર, એ ઘરમાં સાચા સંસ્કાર છે,

 

જિંદગીના રંગમંચ પર સ્ત્રીને અલગ અલગ પાત્ર ભજવવા માટે હોય છે એક લલકાર,

દરેક પાત્ર ને આપે છે પૂરેપૂરો ન્યાય, સ્ત્રી તો દરેક પાત્રને જીવે આરપાર છે.