સપ્તરંગ

વર્ષાઋતુની મજાથી ગગનમાં સર્જાયો સપ્તરંગ,

માનવતાની મીઠાશમાંથી નિત્ય મહેકતો સપ્તરંગ,

સંઘર્ષથી સફળતા તરફનો માર્ગ આ સપ્તરંગ,

બાળકના ખિલખિલાટથી ગુંજતો આ સપ્તરંગ,

માતાની મમતામાંથી પ્રેમની હૂંફ આપતો સપ્તરંગ,

ભાઈચારાના સંબંધોમાં બંધુત્વનો આ સપ્તરંગ,

આદેશનું પાલન કરવાનો નિયમોનો આ સપ્તરંગ,

સુખદુઃખના સરવાળામાં ઉલ્લાસનો આ સપ્તરંગ,

લાગણીઓના ટાંકણે ઘડાતો માણસાઈનો સપ્તરંગ,

'પ્રણવની કલમે' લખાતો શબ્દોનો આ સપ્તરંગ.