પરી

આજે સવારે મેં તો જોઈ એક સુંદર પરી,

અજાણ્યા દેશમાં ભૂલી પડી એ સુંદર પરી,

એક હાથમાં પકડી છે જાદુઈ લાકડી,

સફેદ ફ્રોકમાં ખૂબ શોભતી એ સુંદર પરી,

આમતેમ જોતી, જાણે કશુંક શોધતી,

મૂરઝાયેલા ચહેરે ફરતી એ સુંદર પરી,

ઘડીકમાં હસતી ને ઘડીકમાં રડી પડતી,

મનમાં ને મનમાં અકળાતી એ સુંદર પરી,

અચાનક જ મૂરઝાયેલો ચહેરો ખીલી ઊઠ્યો,

એકદમ ખડખડાટ હસી પડી એ સુંદર પરી,

રસ્તો મળી ગયો હવે એને એના દેશનો,

પરીઓના દેશમાં પાછી પહોંચી ગઈ એ સુંદર પરી.