સુલભ
સુલભ
1 min
396
સુલભ જે મળી જાય તેની અહીં કોઈ જ કિંમત હોતી નથી,
ને દુર્લભ ને સ્વીકારવાની સૌ કોઈની હિંમત હોતી નથી !
રાતભર સૂરીલી વાંસળીઓ સન્નાટાની સાંભળ્યા કરી છે મેં,
કૃષ્ણના વજુદમાં ખોવાની હર કોઈની કિસ્મત હોતી નથી !
આ તન મધુવને રાસ રચાયો શ્વાસોનો જન્મથી અવિરત,
સૌ કોઈના નસીબમાં મીરાંબાઈ જેવી બાવરી પ્રીત હોતી નથી !
ને ઓગળે અહંકાર ઉજાગરાનો જાગરણની જમીનમાં,
એ ક્ષણમાં દાખલ થવાની સૌ કોઈની ગનીમત હોતી નથી !
સૌથી સુલભ ને સરળ છે 'પરમ' આ વર્તમાનમાં જ બસ,
એના માટે 'પાગલ' બનવાની હર કોઈની હિંમત હોતી નથી !